Privatësia

Faqja nuk kërkon llogari, nuk mbledh emra, email-e apo numra telefoni, dhe nuk ka reklama. Nuk ka as formularë ku të shkruash të dhënat e tua.

Mbahen dy numërues, të dy pa emra dhe pa llogari. I pari numëron sa herë është hapur një lajm, që të dihet cili lexohet më shumë. I dyti numëron sa veta e hapën faqen brenda ditës: për çdo hapje shkruhet një gjurmë e shkurtër, e përzier nga adresa e internetit dhe shfletuesi bashkë me datën e sotme. Nga ajo gjurmë nuk kthehesh dot te njeriu, ajo ndërron çdo natë, dhe skedari i ditës fshihet pas tridhjetë ditësh. Nuk ka Google Analytics, nuk ka rrjete reklamash, dhe asgjë nuk i jepet askujt jashtë.

Serveri, si çdo server, mban regjistra teknikë të hyrjeve për një kohë të shkurtër. Ata janë të strehuesit dhe përdoren vetëm për siguri dhe për ndreqje problemesh.

Lajmet e marra nga portalet e tjera shfaqen vetëm me titull, një përmbledhje të shkurtër dhe lidhjen. Klikimi të çon te faqja e burimit, dhe atje vlejnë rregullat e tyre, jo tonat.

Pranë asaj gjurme ruhet edhe kodi i shtetit me dy shkronja, që të dimë sa lexues vijnë nga Kosova dhe sa nga kurbeti. Shteti gjendet te vetë serveri ynë, me bazën falas DB-IP (licencë CC-BY) që e mbajmë këtu: adresa jote nuk i dërgohet askujt jashtë, dhe nuk shkruhet askund — as për një çast.

Bashkë me to ruhet edhe streha nga erdhe — domethënë vetëm facebook.com ose google, jo adresa e plotë. Kështu dimë nëse një postim a një kërkim i solli njerëzit këtu. Adresa e plotë do të tregonte te cili postim ose te cila fjalë kërkimi ishe — ajo nuk na duhet, prandaj as nuk niset nga shfletuesi yt: streha ndahet aty, te pajisja jote, dhe vetëm ajo na vjen. Kur vjen drejtpërdrejt, nuk shkruhet asgjë.

Për çdo pyetje ose kërkesë — përfshirë heqjen e një lajmi që të përket — na shkruaj te faqja e kontaktit.