Drenasi

Drenasi është qytet në Kosovën qendrore dhe selia e komunës me të njëjtin emër. Rri i mbyllur mes maleve: Çiçavica në lindje, bjeshkët e Drenicës në veri, Kosmaçi në perëndim. Komuna bën pjesë në rajonin e Prishtinës.

Qyteti mban dy emra dhe të dy dëgjohen ende. Drenas është emri i sotëm, ai që përdor vetë komuna; Gllogoc — ose Gllogovc — është i vjetri, dhe nuk ka ikur: e mban edhe sot adresa e faqes zyrtare të komunës. Kush kërkon njërin, e ka fjalën për të njëjtin vend.

Drenasi nuk duhet ngatërruar me Drenicën. Drenica është krahinë, dhe brenda saj hyjnë dy komuna — Drenasi dhe Skenderaji. Kjo faqe merret me Drenasin.

Komuna me numra

• 36 vendbanime — qyteti dhe fshatrat përreth.
• Rreth 48 mijë banorë.
• Selia: qyteti i Drenasit. Rajoni: Prishtinë.

Çfarë ka për të parë

Vende që i kemi shkruar një nga një, me foto dhe me atë që dihet për to.

Kujtesa

Drenasi është vend me histori të rëndë lufte. Këto shkrime nuk skadojnë dhe nuk janë lajme — rrinë këtu që t'i gjejë kush i kërkon.

• Beteja e Grykës së Llapushnikut
• Masakra në Poklek të Vjetër dhe Çikatovë të Vjetër
• Beteja “Te Lisat Gjashtnjakë” dhe masakra në Likoshan e Qirez

Për banorin

• Fshatrat e Drenasit — lista e plotë, secili me lajmet që e përmendin.
• Konkurse dhe njoftime nga Komuna — konkurset e punës dhe thirrjet publike.
• Numra të dobishëm — komuna, policia, rryma, uji.
• Shpalljet — punë, qira, shitje, falas.
• Galeria — foto nga Drenasi.

Pozita gjeografike dhe të dhënat e komunës: Wikipedia shqip dhe gllogoc.rks-gov.net. Numri i vendbanimeve është ai i regjistrit tonë; numri i banorëve është i përafërt. Nëse di diçka që mungon ose që s'është si duhet, shkruajna — faqja ndreqet.