Beteja e Grykës së Llapushnikut
Njëra ndër betejat më të lavdishme të UÇK-së: tri ditë luftime në Llapushnik të Drenasit, dhe një grykë e mbajtur e bllokuar për muaj me radhë.
Në Llapushnik të Drenasit, në vitin 1998, u zhvillua beteja e ashpër ndërmjet forcave të Ushtrisë Çlirimtare të Kosovës dhe forcave serbe.
Kjo betejë është e njohur si Beteja e Grykës së Llapushnikut, e cila u zhvillua për tri ditë me radhë dhe ishte njëra ndër më të lavdishmet e UÇK-së.
Gryka e Llapushnikut u mbajt e bllokuar për muaj me radhë, duke u mundësuar luftëtarëve të UÇK-së të lëvizin të lirë në një pjesë të madhe të territorit të Kosovës, dhe kjo ua mundësoi që të organizohen e të furnizohen me armatim.
Lufta e zhvilluar në Grykën e Llapushnikut për kontrollin e kësaj zone ka qenë më e rëndësishmja për Ushtrinë Çlirimtare të Kosovës, pasi e bënte të pakalueshme për forcat serbe rrugën Prishtinë–Pejë.
