Liqeni i Vasilevës
Mes Drenasit dhe Fushë Kosovës, i rrethuar nga malet e Gospojës: gjashtë hektarë sipërfaqe, njëzet e pesë metra thellësi, i pasur me faunë dhe i përshtatshëm për peshkim.
Liqeni i Vasilevës ndodhet mes komunës së Drenasit dhe asaj të Fushë Kosovës. I rrethuar nga malet e gjelbëruara, është pjesë e malit të Gospojës, ndodhet në një pozitë gjeografike të thellë dhe ka një sipërfaqe prej gjashtë hektarësh me thellësi njëzet e pesë metra.
Liqeni është i pasur me florë e faunë dhe shumë i përshtatshëm për peshkim. Në të gjenden së paku pesë lloje patash të egra, dhjetëra lloje zogjsh, si dhe disa lloje peshqish.
Emrin e ka marrë sepse gjendet shumë afër fshatit Vasilevë; përveç këtij, në afërsi ndodhen edhe disa liqene të tjera.
Natyra e bukur që ofron ky vend, me një peizazh mbresëlënës, bën që me pak përkushtim dhe investim këtu të zhvillohet turizmi gjatë gjithë stinës së verës.
