Në dy vitet e kaluara (për të mos thënë gati që nga paslufta) rryma ka qënë një prej problemeve kryesore për banorët e Llapushnikut.
Kështu është shprehur asamblisti i Kuvendit Komunal të Drenasit, Petrit Gashi.
Ai thotë se investimet janë zero në lagje e faturat janë shumë shifrore.
“Investimet janë të ngrira e faturat janë të fryera, sepse ne asnjëherë nuk na vizitojnë investuesit por vetëm inkasantet”, ka shkruar ai në profilin e tij në Facebook.
Postimi i plotë i Gashit:
Faturat në qiell e shtyllat për toke, ky është investimi i KEDS në lagjen tonë.
Në dy vitet e kaluara (për të mos thënë gati që nga paslufta) rryma ka qënë një prej problemeve kryesore. Kemi lajmëruar disa herë në mes të Dimrit që mbetenim pa rrymë si rezultat i shtyllave të dëmtuar.
Sot, përsëri qytetaret po rrezikohen dhe po dëmtohen pronat e tyre, madje tepër e papranueshme. Investimet janë zero në lagje e faturat janë shumë shifrore. Investimet janë të ngrira e faturat janë të fryera, sepse ne asnjëherë nuk na vizitojnë investuesit por vetëm inkasantet.
Pothuajse në të gjitha lagjet gjendja është e tillë, prandaj nuk kemi nevojë për foto por për investime.
Nëse këtë vit nuk përfundon rrjeti ftoj gjithë bashkëfshatarët të bojkotojnë pagesën e rrymës.
#BollMa
SHPËRNDAJE