Klasat e parë deri të pestën nga e hëna rikthehen në shkollë.
Në një njoftim për media, theksohet se niveli zero (çerdhet dhe kopshtet), klasa përgatitore që mbajnë mësim në shkolla fillore, si dhe klasat 1 deri 5, duke respektuar rekomandimet e institucioneve përgjegjëse për mbrojtjen nga COVID-19, rikthehen në mësim.
![May be an image of 2 people and people standing](https://scontent.fprn4-1.fna.fbcdn.net/v/t1.6435-9/169699254_1722238374646656_7371398755057087705_n.jpg?_nc_cat=106&ccb=1-3&_nc_sid=730e14&_nc_ohc=RyidHmVRpV0AX9X3Y4Y&_nc_ht=scontent.fprn4-1.fna&oh=09e079bcc866cb742a6d5feca6a9c6a5&oe=6093ADAF)
Njoftimi i plotë:
Për të diskutuar gjendjen aktuale në arsim dhe hapat që do të ndërmerren, është mbajtur sot një takim virtual, ku kanë marrë pjesë ministrja e Arsimit, Shkencës, Teknologjisë dhe Inovacionit, znj.Arbërie Nagavci, zyrtarë të Ministrisë dhe drejtorët komunal të arsimit.
Ministrja e Nagavci i ka njoftuar drejtorët e arsimit për mbarëvajtjen e mëtutjeshme të procesit mësimor, referuar vendimit të Qeverisë së Republikës së Kosovës për masat e reja anti COVID-19, sipas të cilit prej datës 12-16 prill 2021, mësimi me praninë fizike të fëmijëve në institucionet edukative arsimore do të organizohet për edukimin e hershëm dhe arsimin fillor, që përfshinë:
![May be an image of 2 people and people standing](https://scontent.fprn4-1.fna.fbcdn.net/v/t1.6435-9/170142410_1722238324646661_4237206779642542015_n.jpg?_nc_cat=107&ccb=1-3&_nc_sid=730e14&_nc_ohc=3_3IqvoxLTsAX9AAXSl&_nc_ht=scontent.fprn4-1.fna&oh=efef34422eab1220b65d0b94599f44ac&oe=609442EA)
Niveli zero (çerdhet dhe kopshtet), klasa përgatitore që mbajnë mësim në shkolla fillore, si dhe klasat 1 deri 5, duke respektuar rekomandimet e institucioneve përgjegjëse për mbrojtjen nga COVID-19.
Ndërkaq për klasat 6 deri 9 nga shkollimi i mesëm i ulët, si dhe klasat 10 deri 12 nga shkollimi i mesëm i lartë, mësimi do të mbahet me platformat online, ku edhe duhet të realizohen përgatitjet e duhura për periudhën e tretë të vitit shkollor 2020/2021.
Komunat kërkuan që të shqyrtohet mundësia e organizimit të mësimit sipas specifikave dhe rekomandimeve të Task Forcave Komunale.
Komunat shprehën edhe shqetësimin për tërheqjen e mjeteve nga buxheti i komunave prej përmbaruesve privat, duke u thirrë në obligime të Kontratës Kolektive.
Shqetësim tjetër është që DKA-të, nuk po arrijnë të kryejnë obligimet e parapara sipas Master Planit për zhvillimin e mësimit në kushte pandemie, ku ndër të tjera përfshihet edhe mirëmbajtja, dezinfektimi dhe pastërtia, pasi buxhetin prej 5 milion euro, qeveria e kaluar e ka shfrytëzuar për pagesën shtesë të mësimdhënësve.
SHPËRNDAJE