Kalo te lajmet
e hënë, 16 nëntor 2026 Drenas, Kosovë 🌫 6° ⌕ Kërko Rreth nesh Kontakt Na ndiqni: Facebook YouTube
⌕
Lajmi i fundit 02:21

Ballina › Lajme

Përkujtohen 40 dëshmorë në krye me heroin Ilaz Kodra dhe 275 martirë

30 prill 2022, 22:07

Përkujtohen 40 dëshmorë në krye me heroin Ilaz Kodra dhe 275 martirë

Më rastin e 23 vjetorit të rënies së heroit të kombit Ilaz Kodra, 40 dëshmorëve dhe mbi 275 martirëve, kryetari i Komunës së Drenasit, Ramiz Lladrovci me stafin e tij, kryetarin e Komunës së Skenderajt, Fadil Nura, familjar të dëshmorëve e martirëve, shoqata të dala nga lufta e UÇK-së e shumë qytetarë, kanë bërë homazhe dhe kanë vendosur buqeta me lule të freskëta pranë varrezave ku prehen të rënët e 30 prillit të vitit 1999.

Fillimisht, homazhe dhe vendosja e buqetave me lule, janë bërë pranë shtatores së heroit Ilaz Kodra në sheshin e qytetit të Drenasit, pastaj homazhet kanë vazhduar në Kompleksin e Dëshmorëve në fshatin Marinë, në varrezat e fshatit Shtuticë, Vërboc e Tërstenik të lagja Gashani si dhe pranë lapidarit me emra të të gjithë të rënëve në këtë ditë.

Kryetari Lladrovci tha se në këtë ditë përkujtimi, të dhimbjes e krenarisë, kujtojmë me nderim heroin Ilaz Kodra, 40 dëshmorë e mbi 275 martirë të kombit nga Vërboci, Shtutica, Tërsteniku, Dosheci, Baksi, Gllobari dhe fshatrat përreth.

“Sot kujtojmë sakrificën e jashtëzakonshme të popullit tonë ndër shekuj, kujtojmë heronjtë, dëshmorët dhe martirët e lirisë. Sot këtu kujtojmë Vërbocin e Shtuticë, dy nga vendet me gjenocidin me të madh të kryer nga forcat serbe. Fatkeqësisht ende askush nuk ka dalë para bankës së të akuzuarve për planifikuesit e ekzekutuesit e këtyre vrasjeve. 30 prilli kujtohet si masakra më e madhe gjatë luftës së fundit, prandaj gjykimi duhet të jetë për vrasësit e jo për ata që luftuan në mbrojtje të këtij vendi”, ka thënë mes tjerash kryetari Lladrovci gjatë homazheve të bëra.

Ndaje këtë lajm Facebook Viber

Lajme të tjera

Shiko të gjitha lajmet nga Lajmet →

↑