Shënohet Dita Botërore e Mjedisit në Drenas
Komuna e Drenasit, përkatësisht Drejtoria e Shërbimeve Publike dhe Emergjencë, të shtunën ka shënuar Ditën Botërore të Mjedisit me disa aktivitete me moton “Një qytet të pastër dhe pa mbeturina”.
Për të shënuar këtë ditë, nënkryetari i Komunës, Arben Shala, drejtoresha e DSHPE-së, Lumnije Krapi, zyrtar të kësaj drejtorie dhe vullnetar, kanë bërë mbjelljen e fidanëve në sheshin “Fehmi Lladrovci” dhe ne hapësira të tjera të qytetit.
Po ashtu, Drejtoria e Shërbimeve Publike dhe Emergjencë ne këtë ditë ka vazhduar me projektin për largimin e deponive ilegale në territorin e Komunës së Drenasit.
Kujdesi ndaj natyrës duhet të jetë i vazhdueshëm për të mirën e shëndetit, ambientit dhe shoqërisë në përgjithësi.
