Ferat Shala: Në 30 vjet s’ka pasur nepotizëm më shumë se në 100 ditëshin e Kurtit

Deputeti i PDK-së, Ferat Shala ka akuzuar qeverinë Kurti për veprimet në 100-ditëshin e parë.

Shala ka thënë se në 30 vjet nuk ka pasur nepotizëm më shumë se në 100 ditëshin e Kurtit.

“Statistikisht për 100 ditë, merrni analizoni kohën e menaxhimit të qeverisë, dhe analizoni çdo statistikë, gjithçka është publike, legale në statistika të Kosovës, të gjitha, dhe kqyre 100 ditëshin sa kemi nepotizëm për 30 vjet nuk ka pasur nepotizëm më shumë se në 100 ditëshin e Kurtit”, ka thënë Shala në Kanal10.

Për punësimet familjare foli edhe vet Kurti sonte, teksa u arsyetua se të emëruarit janë “profesionistë të spikatur”.