Nexhat e Fadil Demaku lirohen nga burgu

Ish-kryetari i Drenasit Nexhat Demaku si dhe ish-deputeti i Kuvendit të Kosovës Fadil Demaku, janë liruar nga burgu, pas vuajtjes së dënimit për më shumë se dy vjet.

Lajmin e ka bërë të ditur vëllai i tyre Jahir Demaku.

“Sot përfundoi edhe një padrejtësi për vëllezërit e mi. Shpresoj që shpejtë të përfundoj edhe për vllëzërit Demaj”, ka shkruar Demaku në llogarinë e tij në Facebook.

Ish-kryetari i Drenasit Nexhat Demaku si dhe ish-deputeti i Kuvendit të Kosovës Fadil Demaku ishin dërguar në burg për vuajtje dënimi, për të ashtuquajturin ‘Grupi i Drenicës’

Veç vëllezërve Demaku me kërkesë të panelit gjyqësor të Eulex’it, dënimin vuajnë edhe vëllezërit Demaj.

Dy vite më parë, OVL e UÇK kishte reaguar duke thënë, se për më shumë se një dekadë, ishin dëshmitarë të dështimit total të drejtësisë ndërkombëtare në Kosovë, e cila përmes mekanizmave të ashtuquajtur të drejtësisë, vazhdimisht ka organizuar komplote kundër luftëtarëve të Ushtrisë Çlirimtare të Kosovës.

Sipas tyre, edhe grupi i Drenicës ishte dënuar pa prova materiale, me vetëm një deklaratë të një pale, e që është absurd i drejtësisë.

SHPËRNDAJE