Kryetari i Drenasit, Ramiz Lladrovci së bashku me drejtuesit e nivelit qendror dhe lokal të PDK-së, vizituan familjen Demaku, me rastin e lirimit të Fadilit dhe Nexhatit nga burgu.
Lladrovci ka thënë se ishte rast për të shprehur jo vetëm solidaritetin me familjen dhe vuajtjet e tyre, por edhe për të ritheksuar dhimbjen për këtë rast.
“Qytetarët e komunës së Drenasit, kanë përjetuar shumë dhimbje e plagë, masakra e gjenocid nga shteti okupator, dhe nuk janë nënshtruar. Sot ishte ditë të kujtojmë më shumë se ditëve tjera se drejtësia për masakrat dhe gjenocidin serb, ende nuk ka vepruar, sikur nuk ka vepruar për rastin e para 22 viteve në Poklek dhe Çikatovë”, ka thënë Lladrovci.
