Për ju që keni merak peshkun por edhe qetësinë, Liqeni i Vasilevës është vendi ideal.
Liqeni i Vasilevës ndodhet në mes të Komunës së Drenasit dhe asaj të Fushë Kosovës. I rrethuar nga malet e gjelbëruara është pjesë e malit të Gospojës që ndodhet në një pozitë gjeografike të thellë dhe ka një sipërfaqe prej 6ha me thellësi prej 25m.
Liqeni është i pasur me Florë dhe Faunë si dhe është shumë i përshtatur për peshkim. Në këtë liqen ndodhën së paku 5 lloje të patave të egra, dhjetëra lloje të zogjve si dhe disa lloje të peshqve.
Emrin ky liqen e ka marr për shkak se gjendet shumë afër fshatit Vasilivë ndërsa përveç këtij liqeni në afërsi ndodhën edhe disa liqene tjera.
Natyra e bukur që ofron ky vend me një pejsazh mbresëlënës, me vetëm pak përkushtim dhe investim bën që në këtë liqen të zhvillohet turizmi gjatë gjithë stinës së verës.
GALLERIA
